Bo día!
Hoxe a nosa Ra tráenos un xogo de mesa* moi divertido que podedes realizar na casa e xogar todos xuntos, en familia.
A plantilla do xogo podedes imprimirla nesta ligazón, máis eu vos propoño que o fagades vós mesmos na casa.
Materiais necesarios:
- Un folio en branco
- Un lapis
- Un par de dados
- Un par de dados
Pasos para a elaboración:
1. Debuxa no folio unha táboa de 7x7.
2. Escribe os números do 1 ao 6 nas casillas da fila superior e da columna esquerda, deixando a primeira casilla libre en ambos casos, tal como aparece na imaxe.
3. Pensa diferentes preguntas que poderías facer e enche o resto das casillas. Non deixes ningunha baleira!
(Non esquezas pór os signos de interrogación (ao principio e ao final se escribes en castelán; tan só ao final, no caso do galego) e de pór o til nos interrogativos (qué, quién, cómo, dónde, cuándo...), pero únicamente se escribes en castelán).
Unha vez feito o taboleiro, é hora de xogar!
1. Tira os dados e busca ambos números no taboleiro (un na fila superior; outro na columna esquerda).
2. Localiza a casilla onde se unen ambos números e le a pregunta que aparece escrita.
3. Outro xogador deberá responder a túa pregunta.
Cantas cousiñas imos descubrir das persoas coas que compartimos o día a día!
Espero que o disfrutedes moito ☺
Que teñades un bo día!
Moito ánimo! 🌈
* A autora deste divertido xogo é "Mi escondite en el cole", unha mestra de Audición e Linguaxe que habitualmente elabora materiais para as nosas aulas. Non deixedes de visitar a súa páxina web, onde poderedes atopar unha morea de materiais chulísimos!
Ningún comentario:
Publicar un comentario